宣萱直認執二攤

《巨塔之后》，宣萱演醫生，“我恨咗好耐，不過要唸許多醫學名詞，每晚只睡四小時……”其詞雖有憾焉，其心甚喜之，即被踢爆，“你好彩還是不好彩——執張可頤二攤……”係！宣萱直認，不是人棄我取；一般開拍劇集，監製選主角演員，都有三、四個準備，一而再硏究選擇，“結果選了我！”

宣萱與張可頤扯在一起，一定爆炸，九年前的世紀駡戰，便死灰復燃，至今仍未能拆彈。“舊聞冇得再舊聞了……。”故事唔怕舊，至緊要受。宣萱重提九年前舊事，至今栩栩如生，哈哈大笑：“張可頤指我，當年在片場喜歡大笑，自己NG，別人也NG……。”

“我出名少NG”宣萱仍此可忍，孰不可忍：“我唔會冇NG，都係偏少嗰啲，（佢有冇NG？）都有。不過，講眞，好小事啫。”回頭看，景移情轉——“當年大家都年紀小，好多嘢未睇得通。加上……那時傳媒，好多嘢都想多咗，將件事説成‘世紀駡戰’……。”

大笑累人累己NG！還有一樁嚴重話題，有人遲到。當年《K-100》宣傳劇集，有高層歡迎藝員投訴講眞話，可能宣萱年少無知：“我哋開工，永遠等三、四個鐘。主角遲到，一句Sorry都唔使講，公司亦都唔會講一句教訓佢哋嘅說話。但我哋如果遲到，會畀人篤住來講，你點解遲到，點解你咁唔守規矩。冇，我想你解答呢個問題囉。”

你遲到，你多NG，《難兄難弟》因未能如期煞科掀起“世紀駡戰”。多年後，二〇一九年，宣萱演舞台劇《大辭職日》，張可頤去捧場，兩人後台大合照；早已世紀大和解了。

高梁