周杰倫曾拒為《頭文字D》錄音

經典神片《頭文字D》最近4K修復杜比全景聲重返大銀幕，二十年後再次成為港產片票房冠軍，掀全城熱潮。日前電影導演劉偉強和麥兆輝、原創音樂陳光榮、混音李耀強、擬音杜本立，以及十幾架AE86、GTR和FC車主和愛車聚集邵氏影城，在全球頂級設備的後期製作影院，欣賞《頭文字D》4K修復杜比全景聲版本。映後分享會上，劉導更連環發放多個重磅秘密，令一眾“頭D迷”嘩聲四起。

觀眾問周杰倫真人配音難度，麥兆輝說：“引擎聲太大，演員對白收唔到，之後mixing會好困難，所以全部演員都要入錄音室配音。周杰倫幾乎逐個字錄，但佢係音樂人，耳仔好靈，聽得好準，配合口型亦好準確。花咗好多時間，可能破咗MBS（配音公司）單人配音紀錄，淨係佢一個人錄咗四、五日。”劉導透露周杰倫最初不想親自配音，但劉導拒絕，認為粉絲一定認出。而另一個謎是女主角夏樹的金主“BENZ叔叔”是誰，劉導爆料：“原本係我！麥兆輝同莊文強呃我，又話見唔到樣，又話淨係影到隻手。”劉導笑言：“結果因為我要揸機拍飛車，又要喺現場鬧人，唔得閒做！”