雲浩影快閃鬧市做樹窿

雲浩影(Cloud)日前為宣傳新歌《你的損失》，在銅鑼灣行人專用區，設了一個紅色懷舊電話亭，她化身“心事聆聽專員”，透過電話專線聆聽“迷雲黨”（Cloud歌迷暱稱）的心事，她坐在電話亭外優雅的枱椅前，寫下專屬密語在小卡上，為對方打打氣。

Cloud自言並非專業感情專家，她說：“今日喺度聽啲朋友仔傾訴，聽吓佢哋嘅煩惱。”Cloud對每一位“迷雲黨”都細心聆聽，亦有給予意見。她說：“我都鍾意畀意見，因為好多人問我嘢，都係想知我嘅角度點睇，畀完意見我都會戴返個頭盔，始終情況真實係點，只有你自己知，我嘅意見只用作參考。”

Cloud又說：“平時我唔係‘樹窿’，反而經理人係我嘅‘樹窿’，我喺佢哋身上學到好多諗嘢嘅方法，有時只要轉一轉念，就可能成件事唔同咗。”之前宣傳另一首歌曲時，在行人專用區沉浸式睇書，今次講電話，Cloud笑言下次想嘗試在鬧市中間睡覺、煮飯、開餐等“生活化”行為。