麥導將拆解金句小秘密

劉偉強爆周杰倫揸AE86撞山

劉偉強與麥兆輝經典作品《頭文字D》上映二十周年，今年以4K修復及杜比全景聲重返大銀幕，再掀熱潮，連續一星期港產片票房冠軍，票房直迫二百萬港元。本月二十八日麥兆輝導演將現身圓方戲院“金句場”，映後更有分享會，親自拆解金句背後小秘密！

至於劉偉強導演早前現身AE86香港車友聚會，表示非常興奮又震撼。劉導說：“我真係好驚喜見到廿幾架AE86，好開心，佢哋真係好熱心，借出佢哋嘅愛車出嚟，嗰啲引擎真係整到好勁。我好後悔當年拍完戲，我冇帶晒所有AE86返香港，搞到依家都好想買返架。”

劉導更爆料周杰倫拍《頭文字D》期間發生意外，AE86車頭撞毁，他說：“當日有一個鏡頭唔需要周杰倫飄移，唔知點解佢突然去飄，結果一甩就撞咗埋山。我哋即刻衝去現場，見到佢企喺架車旁邊。我問佢有冇事，佢話‘沒事、沒事’，但係佢面都青埋，嘴唇都白晒。”

戲中飾演“須藤京一”的陳小春，找來當年他在戲中同款的戰車拍攝宣傳片。片中陳小春憶述當年拍攝《頭文字D》的難忘事，更大講戲中金句對白和招牌手勢，令人回味。小春說：“眨吓眼二十年，我記得當時拍呢套戲嘅時候，突然遇上大風雨定係颱風，停咗幾日工，日日都食蕎麥麵，但拍得好開心，希望大家入戲院支持《頭文字D》4K修復版，Twice。”

戲中飾演“拓海”老闆、加油站話事人“立花佑一”的鍾鎮濤，戲中亦有不少金句出自他的角色，他說：“記唔記得其中一場，我話‘買㗎Benz畀你，再加隻撈吖！’哈哈，大家快啲入戲院，再次感受賽車場面嘅震撼！”，而飾演“中里毅”的余文樂表示，期待入場欣賞《頭文字D》4K修復及杜比全景聲。