因一句歌詞引發靈感

馮允謙與粉絲的士傾心事

馮允謙(Jay)早前推出英文新歌《Close to the Edge》，因首句歌詞引發靈感舉辦活動。透過抽籤三位幸運“追風”（Jay粉絲暱稱）獲得與Jay單獨搭的士，沿途彈結他唱歌、聊天交流。事後Jay感動地說：“我覺得自己好幸運，我嘅歌可以鼓勵別人，令佢哋開心或者啟發。”

首位上車的“追風”表示正準備考飛機師牌，Jay大力支持，他說：“佢跟咗我好耐，我認得佢，成日嚟活動同演唱會。佢話要考機師，我希望佢成功，到時請我搭飛機，哈哈，講笑！佢仲提議我同粉絲喺飛機艙搞聚會唱歌，呢個主意超正，我好想喺私人飛機唱歌，希望公司幫忙安排。”

第二位“追風”非常熱愛Jay的歌曲《Keep On Fight On》，甚至將歌詞其中一句紋身於手臂上。Jay分享：“我喺TG群見過佢張相，今日佢親自Show畀我睇。佢講呢首歌助佢捱過低潮，特別揀咗歌詞做紀念。能夠寫出有力量嘅歌，真係令我好Surprise，我好感恩可以用音樂回應佢哋嘅支持。”

第三位粉絲是一名學生，Jay說：“佢同我講好多低潮經歷同心情，話我啲歌幫佢度過艱難時刻。我哋喺的士裡即興哼咗段旋律，成為我哋嘅回憶同紀念。多謝佢哋讓我知道，用音樂扶持人真係好難得，做音樂嘅動力就係想觸動人心，畀到力量。”Jay亦透露想與追風一齊合力創作歌曲：“我好鍾意寫歌，但又唔想逼大家，創作需要時間，唔知道大家有冇興趣？”

Jay經常乘搭的士，有時會遇到司機播放他的歌曲。他笑說：“我通常會戴住口罩，但司機仍認得我，仲會特登播我啲歌，我就讚佢有品味。”整個活動讓馮允謙與追風近距離接觸，而且選在當日拍攝MV的街道，別具意義。