戶外大草地自彈自唱

鍾柔美拍MV喊戲演技大爆發

鍾柔美(Yumi)推出全新單曲《不欠你一個朋友》，有別於以往的跳唱形象，今次新歌是慢板情歌。Yumi為拍新歌MV一幕自彈自唱畫面，更苦練鋼琴；其中一場喊戲特寫鏡頭，更演技大爆發，令人動容。

《不欠你一個朋友》鍾柔美唱出Gen Z少女“沉錯船”（喜歡了不合適對象）的心聲，到頭來得場空，其實對方是“中央暖爐”（對任何女生都一樣好的男生），發現自己自作多情，心痛過後只好離開。為配合歌曲故事，Yumi演技大爆發，有一場喊戲特寫鏡頭，見她淚珠從眼眶緩緩落下，男主角欲伸手為她抹眼淚，Yumi心碎擰轉頭，畫面令人動容。Yumi說：“呢一場我喊咗好多次，完全代入咗首歌入面，好入戲，希望大家都Feel到我幾傷心。”

今次MV拍攝更落足心機，花費十五小時，走訪七個地點取景之餘，Yumi更與男主角甜蜜互動頭貼頭喝飲品；又換上華麗晚裝，坐在三角鋼琴面前自彈自唱，為此她特意苦練鋼琴。Yumi說：“多謝琴行贊助一個咁靚咁優雅嘅三角琴畀我拍MV，我第一次喺戶外大草地度彈琴，感覺好新奇，希望大家會見到我唔同一面啦。”

Yumi透露，其實對今次拍攝期待已久，事關之前天氣不穩，颱風暴雨頻密，由七月中改期改到八月中才能開鏡，幸好拍攝當日天公造美，花費近十五小時才完成拍攝工作。提到今次轉唱慢板情歌，Yumi謂

：“慢歌對我嚟講係一個大挑戰，慢歌唔係自己強項，花咗好多時間錄音，要好好處理情感嘅演繹，好多謝監製小彤好有耐性陪伴住我。我帶住呢份感覺去拍MV，好快就入到戲，希望大家會鍾意我呢個新嘗試啦。”