雲浩影唔畀馮允謙食肉

雲浩影(Cloud)冧莊再為麵包品牌擔任代言，並與師兄馮允謙(Jay)一起唱主題曲和拍廣告。拍攝當日，他們開着紅色格仔麵包車，遊走香港街道，最後停泊在灣仔海傍，Jay彈結他與Cloud彈琴合唱廣告歌，吸引途人圍觀。

雲浩影表示：“今次首廣告歌有加長版，我哋就好似拍MV，最有Feel係好似Busking，有一大班觀眾。”馮允謙亦謂：“我覺得好好玩，因為我哋好鍾意唱歌，今日就好似做返平時嘅自己，對住觀眾唱歌，開開心心，我覺得好正。”

二人除互相分享麵包的口味，Cloud更提議互為對方設計一款三文治時，Jay立即營養師上身說：“佢貪靚又鍾意Keep Fit，我會放多啲蛋白質，尤其是開騷前會食好多雞胸肉，我想做雞肉三文治畀Cloud。”Cloud點點頭表示滿意，不過相反她為Jay設計的三文治卻遭Jay抗議，因為只有番茄和芝士。Jay問：“吓，無肉？我最鍾意食肉。”Cloud堅持：“唔得，無得加，你試吓先啦。”