鍾嘉欣大聲教仔變惡師奶

日前，鍾嘉欣到新城廣播接受Christine（汀汀）主持的《可“連”天下父母心》訪問，被汀汀形容是“鐵人媽媽”的嘉欣，在節目中分享了身為三孩媽媽的日常作息。她透露全家堅持早睡早起，讓孩子們在上學前完成部分功課，“我鍾意佢哋朝早做功課，因為腦袋仲清晰。”嘉欣每天步行送孩子上學，放學後則安排玩樂時間，並負責接送孩子參加舞蹈和冰球等課外活動，“返到屋企就立即煮飯，食完嘢又要做一啲功課，然後沖涼同佢哋玩一陣，睇少少中文電視，八點半就上床瞓覺。”

嘉欣大讚丈夫是“神隊友”，身為醫生雖然工作忙，但回家後會積極分擔煮飯、洗衣和清潔等家務，她稱：“我做到嘅嘢佢都做到，我哋兩個都好全面。”兩夫妻堅持培養子女的獨立性，要求孩子們自己完成穿鞋、收拾書包、清潔午餐盒和洗澡等，“出街時我唔會幫你着鞋、你嘅書包自己清潔，午餐盒自己攞出嚟。”嘉欣又笑言：“我本身係個好溫柔嘅人，但做咗阿媽之後，把聲好大聲，隔三間屋都聽到我講嘢。”有時子女太百厭，嘉欣會跟他們說：“知唔知道你哋咁樣，媽咪真係會爆血管！”