陳家樂婚後拍床戲冇顧忌

HOY TV首部原創劇《我愛九龍城》將於今晚首播，劇中演員陳家樂、岑麗香、栢天男、盧頌恩（妹頭）、黃澤鋒、蘇韻姿、七師傅及麥家琪等，前日到將軍澳出席劇集宣傳活動，菊梓喬(Hana)更即場獻唱主題曲《回望》。香香曾說不會讓兒子收看她演的劇集，因小朋友年紀尚小，還未懂識分辨真假。是否驚兒子唔明白她點解同其他男人一齊？香香說：“係，但人哋地小朋友ok㗎，因為唔係識我，不過我都會開住電視，等收視高啲。”是否因劇中有親熱演出？陳家樂笑言同香香在劇中全完是零接觸，甜蜜畫面只有一兩場，香香跟栢天會比較多。是否做了父母後在演戲上會多了顧慮？香香坦言都會。

陳家樂就剛好相反，反而更放膽：“婚後都有試過啲好激烈床上戲，但冇乜問題，最緊要拍之前交代清楚，唔好喺另一半完全唔知道下做呢件事，我同太太都互相尊重對方嘅工作，當然都要尊重對方感受。”劇集拍竣多月終於在今日播出，陳家樂說拍完約九個月播出，是一個正常製作時間，之前拍的劇多是超過一年才播出。問到可覺得現在播出的時間剛剛好，因無線剛播畢的劇集《麻雀樂團》也是講麻雀館，陳家樂坦言沒有留意：“九龍城有好多故事，麻雀館只係一個引子，去講述經營困難和面對遷拆問題，最重要訊息是即使地方變而情不變。”