梁詠琪為基層家庭搞活動

梁詠琪、李心潔、楊采妮、許茹芸一起創立的“小黃花慈善基金”，自○七年成立以來一直幫助社會弱勢社群。每逢暑假，Gigi梁詠琪更會為基層學童安排不同類型活動，當中舉辦了多年的“小黃花影院”，會安排父母與子女一起到戲院欣賞暑期動畫影片，享受天倫之樂。但年前因為疫情，加上Gigi忙於世界巡迴演唱會而無奈停辦，但在剛過去的暑假，但Gigi騰出時間，以“小黃花慈善基金”創辦人身份，與“香港基督教女青年會”合辦“童心同行 光影同樂”電影分享會活動。

當日，來自女青年會五個不同的地區中心、合共六十二個基層家庭、由父母帶同子女超過二百人，一起來到九龍灣淘大MCL戲院觀賞《多啦A夢：大雄之繪畫世界物語》。“雖然疫情期間，小黃花冇辦法舉行暑期活動，但嗰段時間我哋都有幫手籌集消毒用品、口罩、快速檢測包，捐去唔同嘅機構，因為當年呢類用品供求都好緊張，尤其係好多基層家庭，好缺乏呢方面嘅資源，所以小黃花都希望可以出一分力，幫助有需要嘅人。”Gigi說。疫情過去，她說今年終於可以復辦“小黃花影院”心情份外興奮：“一家人買飛入場睇戲，看似微不足道，但其實好多家庭未必有呢個經濟能力，能夠喺暑假有爸爸媽媽帶住一齊去睇戲，係一件好開心嘅事。”