關智斌為月底個唱狂跳舞

關智斌(Kenny)正為本月廿六及廿七日於啟德體藝館舉行的《The Endless Adventure Live in Hong Kong》演唱會密鑼緊鼓彩排，近日又推出演唱會主題曲《夢不落派對》。新歌不單止是演唱會主題曲，亦是繼《永遠的彼得潘》之後的跳唱快歌，務求跟粉絲狂歡到底。提到新歌概念，Kenny表示充滿輕快舞蹈節奏，funky味濃；詞亦十分瘋狂，將不同宇宙的經典角色全部拉在一起開派對，創造出最盛大最意想不到的慶典。

Kenny興奮說：“呢個party係冇規矩嘅，小丸子可以同哥斯拉跳舞，屍新娘都可以切生日蛋糕！最正係成個MV好似去咗個奇幻國度，我同班舞蹈員一齊跳舞，仲有好多童話角色亂入，成個感覺好似細個發夢咁，乜都有可能。”Kenny又自爆拍MV拍到不願收工：“成個廠都係氣球同色彩繽紛嘅佈置，真係好似去咗《夢不落帝國》咁。我仲扮埋彼得潘，好似返咗去細個咁，乜都唔使怕，盡情玩就得啦。”距離演唱會已經進入最後衝刺階段，Kenny提到排練情況：“日日跳足八個鐘，對腳都唔係自己嘅咁！不過為咗演唱會可以同大家一齊玩，幾辛苦都值得。”