陳凱琳坦言冇七年之癢

前晚，陳凱琳(Grace)、胡子彤、賴慰玲一家三口及ERROR成員何啟華等，出席於會展舉行的時裝匯演。Grace表示大仔Rafael已升讀小一，就讀老公鄭嘉穎的母校，開學前還參加了學校迎新日，她趁機向家長“抄牌”，以便日後有問題可以詢問。她謂當日家長與小朋友被校方安排分開活動，家長要進場考試，讓家長感受一下考試的壓力，雖然試題很簡單，但因只得中文版本試卷，所以她就用有限的中文作答，不過最後都及格。老公為何沒一同到學校？她指因老公要在家照顧兩位兒子。

之前Grace與嘉穎慶祝結婚七周年，問到可有七年之癢，Grace笑說：“冇呀，大家都繼續好正常，當日只係簡單食個飯慶祝，好多老夫老妻都係咁樣，我們加埋拍拖一齊已十年，（老公有冇送禮物？）佢話新加坡條片，同埋佢上我節目就係禮物，冇㗎喇，我們就係咁簡單，邀請鄭嘉穎上一個節目係好難嘅事，大家要記得佢係一個咩人。”今屆港姐賽果惹來不少爭議，港姐出身的Grace坦言，因忙於準備兒子開學的事，沒有收看港姐決賽，她身為過來人都好明白每人審美角度都有不同，認為有勇氣踏上台值得欣賞，抱着這心態，不要去批評別人。