兩大型男突襲獻吻

汪明荃生日開工錄節目

“無線鎮台之寶”汪明荃（阿姐）昨日七十八歲正日生日，為配合拍攝，阿姐着靚靚、戴上藍色花花耳環現身電視城，為無線全新綜藝節目《帶阿姐看世界》進行拍攝。

為了幫阿姐慶祝生日，劇組找來之前陪阿姐看世界的周嘉洛和阮浩棕(Nic)，捧着阿姐最愛的“太陽花蛋糕”突襲錄影廠、為阿姐送上驚喜。二人還應阿姐要求，一人一個“肉嘴”，兼全場為阿姐唱生日歌，場面溫馨又熱鬧。至於因工作關係不在香港的周奕瑋，則透過視頻“隔空”祝阿姐生日快樂，相當有心。

阿姐事後受訪時笑言，拍畢《帶阿姐看世界》後經常掛住嘉洛仔及阿Nic，故見到二人十分開心。三人受訪期間互笠高帽，阿姐感激二人在行程中對自己照顧有加，而出名口花花的嘉洛仔則回敬：“阿姐先係照顧我哋嗰個呀。”嘉洛仔又講笑謂，自從與阿姐看過世界後，為人變得更有內涵。至於阿Nic則大讚阿姐專業又捱得：“因為我哋喺摩洛哥拍攝時，撞正歐洲熱浪，最熱有四十四度。我記得阿姐完咗個Trip，落機第二日仲可以完成一個大型Live Show，真係好犀利。”