陳健安為Nowhere Boys撐場

寰亞樂隊Nowhere Boys(NWB)成軍十周年，於尖沙咀The ONE L606店舖開設NWB POST OFFICE“給十周年的概念店”，日前邀請好朋友陳健安（安仔）擔任嘉賓，更巧妙地將樂隊名最開頭兩個字母調位，變成加入安仔後的一日限定樂隊“ONwhere Boys”。音樂會吸引過百粉絲報名入場欣賞，非常熱鬧。NWB以《大不了的一代》打頭陣，然後演唱《地球候機室》和《票房毒藥》。受BIG FOUR早前紅館演唱會“四手合奏一支結他”的表演啟發，五子合奏一支低音結他表演。

安仔出場，與NWB表演他今年第一首派台歌《不遲不早》和NWB新歌《給受困者的一封信》。安仔說：“呢兩首歌背後意思好接近，都係叫大家畀啲時間，畀啲耐性。”而唱《我們的移動城堡》時Van說：“呢首歌安仔曾經喺拉闊音樂會solo，我覺得安仔係除咗我之外，最適合唱呢首歌嘅人。”安仔說：“可能都係由Oscar填詞，好夾我嘅風格，今日同原班人馬合作，互相發放嘅能量好勁，好有同行嘅感覺。”安仔分享與Van初相識時，有次參加毅行者籌款活動，Van帶埋女友，即現在的太太攀山涉水打氣，令他感動。