葉蒨文幫林子祥刮痧

將於十月登陸紅館舉行演唱會的林子祥（阿Lam）與葉蒨文(Sally)，作客查小欣全新YouTube 頻道“紅查館”接受訪問，細訴久違廿七年來未有合體開show的背後原因，又大爆婚後共度最難忘的情人節，Sally更有家傳四寶，親手為阿Lam退燒。訪問前阿Lam身體抱恙，Sally感覺老公發燒，立刻出動家傳四寶，令阿Lam 重拾健康，Sally說：“佢昨日發燒，我好細個識得刮痧，我會用一支匙羹，加橄欖油、鹽、好熱嘅熱水，佢昨日燒到三十八度，我一摸知道佢好熱，先刮三條喺條頸度，條頸最緊要，一刮即刻鬆晒！”

阿Lam搞笑道：“佢報仇咁報！”小欣姐憶述，當年阿Lam推出《最愛》大碟時，曾難得抽空接受專訪，小欣姐也是帶着高燒赴會，一坐下就跟阿Lam說：“我畀你一個問題，你盡量發揮就得啦，阿Lam真係盡量發揮，然後再車我返屋企，不知有幾多人羨慕我！”更令人羨慕的是，阿Lam與Sally結婚近三十年恩愛如昔，又是舞台上的好拍檔，阿Lam外表看似是浪漫好情人，Sally卻踢爆：“我啱啱嫁佢一、兩年，情人節，我等佢送禮物畀我，佢冇畀我，我話今日係情人節，然後佢喺雪櫃摷咗個雪糕、插咗支蠟燭，話每日都係情人節，祝我情人節快樂！”