平凡就好

想睇演唱會或大型國際體育比賽，今個暑假就目不暇給，尤其在香港，有強生最佩服的C朗拿度。

體育迷或足球迷，今個暑假好忙，香港啟德體育園開幕後，七、八月一口氣邀請英超勁旅利物浦、阿仙奴、熱刺及意甲班霸AC米蘭來打熱身賽。早前更舉行沙特超級盃，葡國球王C朗拿度也隨艾納斯來港獻技，第一場比賽打足九十分鐘，又插花又助攻，最終幫助球隊擊敗對手伊蒂哈德入決賽。看到四十歲的他絕不欺場，不辜負三萬球迷捧場，好滿足！

暑假將完，相比之下，銳意要當體育之城的澳門就相形見絀，今年至今能拿得出手的國際體育比賽幾乎沒有。或者要等到十月的NBA季前熱身賽，籃網大戰太陽，屆時澳門才能挽回一點面子。

波是看不完的，只能選擇最最心儀的去捧場。那麼C朗肯定排首位，因為這個年紀，睇一場少一場，不得不珍惜。看到四十歲的他依然身材勁fit、體能爆燈，認真犀利，唔到你唔服，也不得不學習。只是講從來都容易，做卻很艱難。如果你可以一落飛機，晚上即到九龍塘小型場地冒大雨操練，可以天天定時定候上床休息，日日去健身房，以白烚雞肉為主食，從來只飲水而不飲碳酸飲料、酒，不甜食，或許你可以。強生早就投降，還是做個平凡大叔就好了！

強 生hengut@gmail.com