甘永傑梁浩賢難捨舞台

甘永傑與梁浩賢獻出“第一次”，首度參與音樂劇場《換吧！我的兄弟姐妹》演出。這次除了得到一班甘粉和梁粉狂買飛捧場外，亦吸引不少名人好友到場支持，計有即將做爸爸的方力申、王君馨、陳慧敏、丁子高、譚俊彥、岑杏賢以及一班《中年好聲音2》的兄弟姐妹和導師等等。

甘永傑和梁浩賢首度擔演音樂劇場演出，完騷後感受當然特別深。浩賢坦承不經不覺已完成了四場演出，“我哋之前仲傾過，到時會唔會有啲唔捨得、失落感呢？原來真係會感覺到好失落，完咗之後唔使再排練，又見唔到班小演員，同埋冇咗緊張同刺激嘅感覺。”

問到一班《中年好聲音2》的兄弟姐妹和導師，他們都大讚阿甘和浩賢演出精彩；古淖文自認演戲差無意做舞台劇，但看到戰友有新嘗試也戥他們開心。

曾演出過歌舞劇的韋綺珊，就想挑戰跟小朋友合作，“同啲咁細嘅小朋友合作，考驗吓自己啲耐性。”

岑杏賢跟丈夫張嘉俊帶同下個月滿四歲的囝囝Preston捧場，原來這次是囝囝首次看舞台劇，但因為囝囝對音樂有興趣於是一家來欣賞演出。本身有修讀心理學課程的岑杏賢，更希望透過這次睇騷，讓囝囝有機會偷師練膽量。