鄭伊健孖黃淑蔓澳門開唱

鄭伊健上周末帶住小師妹黃淑蔓(Feanna)，以及音樂總監陳光榮的音樂團隊，齊齊到澳門舉行一場《ENCOUNTER WITH EKIN遇見鄭伊健美高梅音樂會》。Feanna為伊健準備小驚喜，原定唱《戀愛預告》突然變成《動地驚天愛戀過》，伊健見慣大場面，處變不驚。

為了製造今次驚喜，一個月前黃淑蔓與樂手瞞住伊健偷偷彩排。當伊健在台上聽到突然轉了歌都呆了一下，但很快就回過神繼續揮手打拍子。

完騷後經理人林珊珊問伊健為何如此冷靜？伊健笑說：“其實我太集中做嘢，反應唔切。我原本諗住唱完《一對對》，承接浪漫氣氛同埋觀眾手機燈，畀佢唱《戀愛預告》，點知佢轉咗歌，Suddenly！做乜改歌唔話我知？（畀驚喜你嘛！）哈哈，不過真係好好聽，好用心演繹，證明大家都好樂意參與呢次演出，花咗好多心思喺表演上。而我哋隊Cup Noodles樂手們亦好好，走出嚟台前一齊表演，帶動全場氣氛。”

音樂會尾聲，伊健誤將《TOGETHER》講成《至少還有我》，提早揭曉壓軸歌。出名好記性的他少有出錯，他哈哈大笑說：“年紀大機器壞，我記到咁多嘢已經好好。”