甘永傑孖梁浩賢演兒童音樂劇

港澳“最大型”原創合家歡兒童音樂劇場，2025《換吧！我的兄弟姐妹》即將公演。第一次參與音樂劇的《中年好聲音2》甘永傑及梁浩賢，現正進入倒數的彩排階段。

其實在暑假期間，二人幾乎每日朝九晚六無間斷，和三百名小朋友一起排戲，這樣投入，甘永傑坦言是受到囡囡的感染。他說：“最初阿女聽到我會做一個兒童音樂劇場，佢都話想玩，咁先至畀佢過嚟學院學幾堂。點知佢就越學越起勁，就覺得……原來佢都唔驚表演，仲好有心做好件事，所以就畀佢繼續喺呢方面發展。就係呢份熱誠，令到我身為爸爸，都一定要做好呢件事。”

梁浩賢則於音樂劇場中“一人分飾四角”，向難度挑戰：“我就因為上年有嚟欣賞學院搞嘅音樂劇場，當時就傾開，話我都有興趣做，咁就造就咗今年嘅合作，但我冇諗過要做成四個唔同嘅角色。”

問到當中最困難的地方，兩人不約而同說走位：“有時啲小朋友仲犀利過我哋！試過講完對白之後，都唔記得要走位，嗰啲小朋友會提返我哋，推我哋去應該行嘅位置。原來要記對白，表情同走位，真係好考功夫，所以我哋都好佩服啲小朋友。”