謝霆鋒為杭州騷打造新舞台

謝霆鋒《Evolution Nic Live進化演唱會》內地巡演首站，日前於杭州奧體中心體育場舉行，近五萬個座位全場爆滿。驟眼看去，舞台似是香港原裝搬到杭州，霆鋒指“錯晒，呢個舞台同香港嘅係兩個舞台，今次重新做咗一個進化舞台，我都服咗自己。”

霆鋒解釋，香港站是室內騷，所有機關包括懸浮波、拱門及地面軌道等，當初完全沒有考慮落雨打風問題，“所以好多裝置都有改動，今次就等於係一個完全新嘅舞台，我都覺得自己有啲過份。”今次場館是露天設計，如果遇上落雨，霆鋒豁出去話自己濕身冇所謂，但樂手、樂器唔淋得，“所以我哋做咗個新嘅頂篷，但成塊黑色又好難睇，結果又加多幾百盞燈。”

演唱會上還有勁感人環節，當晚播出霆鋒十三年來主理的《鋒味》精彩片段，張曼玉、楊紫瓊、甄子丹、周杰倫、陳奕迅、蕭敬騰、吳彥祖、舒淇、蔡依林與Twins等巨星輪流“登場”。片段播完後，霆鋒向熒幕鞠躬致敬，“我用咗十三年製作呢個作品，一睇到個畫面就想喊！頭五年個個話我黐咗線‘做乜走去煮飯？做乜拍啲咁嘅嘢？做乜去旅遊？’，依家就畀你睇吓我做啲乜嘢！”