欣賞陳家樂唔花弗

連詩雅：佢傻氣有安全感

昨日，連詩雅(Shiga)在商台節目《星光背後》訪問中，詳述與老公陳家樂由交往、求婚到結婚生女的甜蜜經過。卅七歲的Shiga在二○一九年拍攝旅遊節目《12個夏天》，邂逅比她年長兩歲的陳家樂，二人於二○二○年開始交往、二○二三年結婚、並於去年七月誕下女兒Camila。她形容與老公能修成正果，是因為適當時候遇上適當的人。

Shiga指當初夥家樂赴韓國拍《12個夏天》時，當時各有伴侶沒想太多，及至翌年家樂邀請她上網上節目，適逢二人同時回復單身才開始約會。談及家樂最初吸引她的原因：“係純品，有咁上下樣貌嘅男仔，多數係花花公子。但佢反差好大，好old school style，佢係夜晚要聽收音機瞓，朝早飲茶睇報紙嗰啲！佢叫飯可以日日食同一款男人飯，同我最初想像嗰啲男人好唔同。而佢仲有種傻氣，我亦欣賞，畀到我穩定、同佢一齊好有安全感。佢去邊都會自動自覺話到咗同埋做緊乜，我從來無話要check住佢，但係佢好願意分享畀我聽，我覺得好浪漫。”

拍拖兩年已讓她感覺家樂能付託終生，原來是源於二人曾因疫情分隔兩地三個月：“我要返內地拍劇三個月，嗰時我哋靠facetime見，佢會特登約我拍完劇各自返到屋企，一齊打開facetime食飯，臨瞓又開住facetime揀一套戲一齊睇。真心覺得佢唔使做呢啲嘢，但佢咁做就令我好安心。佢知我係一個缺乏安全感嘅人，佢就畀呢樣嘢我，而佢咁有耐性做呢件事，就令我諗到佢係一個可以結婚嘅對象。”

婚後不足一年懷孕，Shiga坦言是計劃亦是驚喜，因沒想到會這麼快，還自爆由於生理期一向不準，大懵至懷孕兩個多月才醒覺要驗孕。她指家樂得悉自己要當爸爸時，不如外間想像般激動。Shiga不諱言首胎就是想生女，至於老公以前是想生仔：“佢想同囝囝一齊做運動。但因為我哋屋企有一對狗狗係一仔一女，佢好嗲個女，就話有個女都好sweet。”至於這麼快瘦身復出又演舞台劇又唱歌，Shiga指仍想於事業上再衝刺。會否追多個小朋友就隨緣，老公則想有個囝囝，但夫婦二人更學識去感受同活在當下。