關嘉敏靠初戀回憶演心機女

近日憑人氣戀綜節目《女神配對計劃》人氣急升的關嘉敏(Carman)，日前於無線熱播劇《麻雀樂團》中出演心機滿滿的“挑機綠茶婊”。

關嘉敏以往亦曾出演不少出色“渣女”角色，當中尤以《美麗戰場》中“進擊的小三”圓圓最令人留下深刻印象。不過現實中的Carman一點都不綠茶，在《女神配對計劃》中，Carman率真、體貼及傻氣的性格，更獲網民封為“真女神”。談到是次於《麻雀樂團》演綠茶婊，Carman坦言與自己真實性格相反，故相對以往演繹的“八婆”角色難度再升呢。她說：“呢個角色內斂啲，要將八婆性格收埋少少，但同時又要表達到佢好想串胡敏芝，所以好難拿捏。”為了投入角色，Carman更勾起了初戀遇到“挑機小三”的經歷：“我心入面係諗住我嘅初戀去做，因為我初戀嘅第三者就係一個咁樣表裡不一嘅人，所以我好彩有呢個經歷，我真係諗住嗰個人去做。”《麻雀樂團》監製羅永賢受訪時則大讚Carman生得夠高大、十分符合角色。