鄧兆尊講女人又講錢銀

星二代、伶二代、富二代；五十七歲的鄧兆尊，該稱“王二代”，慈善伶王新馬仔的長子，不唱歌，不演戲……左擁右抱：大婆、二奶、三奶。又如何？公開自爆“已無性生活”。

性感尤物李婉華，加國返港，頻道發佈影片：《與兆尊有個約會》，兆尊在家中做甚麼？“撩吓交囉，開心呀，唔使錢。因為，滾完返來個樣殘晒口架嗎。 （有否食補品？）只有蠢男人先補，補完都係益返個女人，（你有三個女人噃）哎，無呢啲嘢啦，（人哋有需要呢？）入紙申請囉，等我儲備能量，即係踢波，分兩場咁解……。”

講女人，兆尊又講錢銀，娛樂新聞的味精。二〇一三年，《掌門人》影片翻Hit，被爆當時鄧兆尊“最窮時期，身價僅一……億港元。”曾志偉笑言：估唔到，你祥哥都捱過窮。牙尖嘴利陳彥行：“有人話佢，最窮嗰年，祥哥都搵一億呀，你呢？（我冇佢咁靚仔呀嗎！）”

三奶育有二子女，兆尊表示，接受做繼父，大婆、二奶甚至會幫手管教：“我哋相處融洽，佢稱呼我乜都得。叫嗲哋，我唔介意。”

多了子女，問財產分配……，鄧兆尊特別敏感，醒目避談：“將來嘅嘢，冇人會知，（有冇寫定平安紙？）你（記者）做我條女，先話畀你聽啦。呢啲係國家私隱（各家？）唔可以爆，而且，就算有平安紙，都可以改變。咪傻啦。”

將來事將來辦，目前要應付三個“虎狼年華”的女人，OK呀，都守本分。主持人獻計，申請陪瞓太費精神，“三位太太一齊玩多人運動啦！”兆尊甩手擰頭：“一隻羔羊掉落個獅籠已經冇啦，何況三隻，渣都冇！果然‘色途老馬’，咁樣會刺激獸性，我有三高，唔好咁刺激。”

高梁