莊易羚自揭為角色喊唔停

無線劇集《麻雀樂團》前晚播出第四集，最焦點的一幕，非司徒久（譚俊彥飾）一生中最愛的沈盈（莊易羚飾）隔空與其道別，以及將家明交託阿久照顧一幕莫屬。這幕阿譚好戲唔在講，就連仍算是新人的莊易羚亦表現出色！莊易羚不但以虛弱的聲線及微表情演活垂死病人，更全程流露着掛念及可惜的情緒，全程強忍傷痛更增添了當中的淒美，一個新人演技能夠如此到位，實在讓人驚艷。這幕戲播出後，莊易羚演技獲網民盛讚。

贏盡好評的莊易羚，接受訪問時透露，當接到角色後做功課時，已忍不住落淚。之後去到拍攝現場原本情緒還算穩定，但當聽到監製簡述沈盈背景時，眼淚又再湧上來兼“喊到收唔到聲”。為了平復情緒，莊易羚要先後兩次花五分鐘衝出錄影廠，聽K-POP兼跳舞平復情緒：“我記得當時隔籬廠有人拍緊劇，啲人路過係咁問我咩事喊得咁淒涼。”

另外，莊易羚感激同劇前輩對她照顧有加，當中李佳芯(Ali)便教她如何將眼神演得溫柔點：“因為我隻眼較大，好易畀人覺得好惡，我有特登問Ali點樣可以做得溫柔啲，佢都教咗我好多嘢，好感激佢。”