蔡一傑：再踏舞台感覺似初戀

草蜢成員蔡一傑，自去年十月宣佈完成切除腦部腫瘤手術後閉關休養，草蜢接近一年沒有演出。日前同台為陳慧琳演唱會擔任表演嘉賓，連環又唱又跳經典快歌及新鮮出爐新歌《老的辣》，狀態大勇，震撼全場。

演唱會後草蜢接受訪問，蔡一傑（傑仔）被問再踏上舞台跳唱心情如何，他說：“有啲緊張，第一，做完大手術之後第一次上台；第二，我要喺好短嘅時間學一首全新嘅歌……”蔡一智說：“證實你個腦冇事啦。”傑仔笑言：“因為插咗新嘅晶片入腦，呢個晶片好犀利，令到我記嘢快咗。（AI蔡一傑？）勁過AI。”傑仔揚言再踏舞台，感覺像“初戀”，他說：“今日上台係有啲緊張、有啲新鮮感，又驚喎，好似初戀咁，係‘初戀’嘅感覺。”

蔡一智說：“過往我哋平均每個月都上台幾次，相隔一年冇上台表演，所以我哋‘餓’咗舞台好耐，今日表演‘飽’舒服晒。”傑仔說：“我一路康復中，喺呢段期間裏為我擔心嘅各位，我要喺呢度講聲多謝你哋。”蔡一智坦言明年四月紅館演唱會前，草蜢要履行之前因傑仔生病受影響的演出合約，包括幾站演唱會巡演。