為陳慧琳個唱撐場

謝安琪爆料：佢揸刀好叻

前晚，陳慧琳(Kelly)的演唱會來到第八場。連日來，Kelly雖然多次感觸眼紅，尤其是感謝雷頌德特意從英國帶同家人回來支持，但她一直努力控制情緒，以免影響演出。然而，昨晚演唱《最佳位置》時，當舞台天橋升起，Kelly突然發現當年正東唱片的一班舊同事坐在台下，終於忍不住淚水哽咽。

Kelly說：“哎呀！啲舊同事，見到你哋又喊……冇你哋就冇呢隻歌，多謝晒！我哋一齊打拼返嚟……你哋突然出現，殺我一個措手不及。”隨後全場觀眾大合唱，場面感人。 緊接《最佳位置》後是嘉賓環節，Kelly迅速抹去淚水，笑言要收拾心情，因為接下來登場的嘉賓將與她合唱一首自己非常喜愛的歌。音樂響起《囍帖街》，全場歡呼——原來嘉賓正是謝安琪(Kay)。

兩人曾多次合作，Kay最難忘的是與Kelly在環球十周年演唱會上一起唱跳，她笑說：“嗰次我真係明白，唱跳係需要天份！Kelly好簡單就跳完唱完，我就跟得好辛苦。” Kay又爆出多年前在一次節目錄影中，意外發現Kelly的廚藝天賦：“當時要煮海鮮，仲要處理隻蟹係好生猛，我哋要劏蟹。點知Kelly好熟手，仲教我點開邊！我當時好驚訝，同同事講以為Kelly唔入廚房，點知佢哋話：‘你畀把刀佢，佢連成隻雞都識斬！’兩人從唱歌、跳舞到煮飯仔都合作過。”

之後Kelly即興提議：“不如我哋搵鍾珍開部戲，叫埋你老公，拍套笑片《殺夫記》，我劏雞咁叻，啱晒！” 即時全場笑爆，Kay繼而在Kelly換衫時，遊走兩邊唱出《3/8》。因颱風影響，原定本月二十日的場次延至廿七日舉行。為配合颱風主題，Kelly前晚更特別獻唱《風眼》。她與Super band成員談到颱風時，透露當日一直盼望下午四點前改掛三號風球，可惜事與願違。Mark笑說：“通常演唱會改期，歌迷會鬧爆，但Kelly嘅粉絲反而好開心，因為原本買尾場飛嘅人，而家變成真尾場！”