BIG FOUR為開騷做足準備

將在八月九至十一日於紅館舉行一連三場《BIG FOUR HAPPY TO SEE YOU ALL演唱會2025》門票已全部售罄。倒數兩個星期開騷，BIG FOUR成員張衞健(Dicky)、許志安、蘇永康和梁漢文(Edmond)密鑼緊鼓彩排和練歌，為演唱會做好準備。

Edmond笑言：“一定唔可以忘記有人要練蜈蚣彈同埋林峯櫈……”，眾人即追問Dicky練習進度如何，Dicky回道：“使唔使用二千幾呎排舞室嚟練？（要！）你畀個廁所我練吓就得啦。”Edmond對他甚有期望：“你要做三十幾吓，成條沙甸魚咁，幅度動作大過林峯好多。”安仔突然爆料：“聽講你訂造咗張櫈。”Dicky不否認，但表演甚麼就大賣關子：“係訂咗張櫈，但唔係姓林，係姓張。”

四子愈練愈弗，會否騷肌派福利？安仔表示不一定性感，但造型特別。Dicky笑言建議安仔着旗袍唱《喜歡你是你》，Edmond加入爆笑戰團：“開衩高到上腰！”他們一碰頭就連場笑料，今次肯定唱爆和笑爆紅館。