張馳豪黎展峯孖住開騷

張馳豪(Aska)與黎展峯(Andy)日前孖住上舉行《Andy X Aska PLAY》音樂會。張馳豪身穿背心短褲，像拳擊手般騷肌造型登場，引得台下粉絲尖叫連連；為了以完美身形示人，Aska在後台密密操肌，疑似太激動操到流鼻血。Aska感激粉絲到場支持：“多謝大家即使落住大雨都出席，希望這個演出可以帶畀你哋好心情，記住呢個美好記憶返去回味。”

黎展峯出道四年，今次迎來人生第一次音樂會。首次開騷的他，由選歌、Rundown到Styling都落力參與，更坦言緊張到爆，“好緊張！因為好多嘢都想準備到最好，所以好容易令到自己騷前好大壓力。再加上每日去練歌練琴、做gym，係好忙，不過好值得，開騷後聽到大家嘅反應，即刻令到我放鬆晒，不斷話畀自己聽要享受呢一場騷。”

最搞笑的是，這邊廂Andy在台上自彈自唱兼大曬健身成果，那邊廂台下粉絲卻送上一百包印尼撈麵，令他非常爆笑。他說：“KeepFit一個月即刻破功，早知話自己鍾意食魚子醬，哈哈，不過都好感謝粉絲的心意。”