估唔到轉行都獲垂青

吳浩康代言啤酒廣告

成功轉型“職安真漢子”的Deep（吳浩康）近日又有新搞作，其真漢子形象獲廣告商垂青，邀請他為著名歐洲啤酒品牌拍攝最新一輯平面廣告，成功憑Man爆形象晉身為星級啤酒KOL。

近年轉換人生跑道的吳浩康，成為廣告界的新寵兒，不時接拍廣告，Deep表示：“剛收到品牌合作邀請覺得好驚喜，估唔到自己平時放工鍾意飲返杯，飲到可以拍廣告，賺到奶粉錢，真係好感恩客戶支持，今次仲要係我平時幫襯開好鍾意嘅品牌。”為了向一眾身邊的朋友、同事推薦這款啤酒，Deep更揚言會自陶腰包萬歲，收工時請大家齊齊歎杯放工啤鬆一鬆。Deep說：“呢排天氣咁熱，我哋戶外工作有時都幾攞命，所以收工都會同啲同事搵個地方嘆下冰凍啤酒，收工飲幾杯，真係好爽，充充電。”

今次答應接拍廣告除了因為酬勞吸引之外，原來Deep本人也是該品牌的忠實粉絲。他表示：“品牌留意到我IG，見我平時自己又或者同啲同事收工有時飲返杯，都係飲佢哋品牌嘅啤酒，覺得我呢個用家身份好有說服力，所以決定搵我拍今輯廣告，無諗過貼地生活都可以帶嚟工作機會，仲可以係老婆面前威返次，寓飲酒於工作，呢啲機會真係好難得，哈哈！”

為配合今次廣告的主題，製作單位特別安排一間港式餐廳為廣告場景，現場還準備了多款特色的大排檔鑊氣小炒和冰凍的啤酒，完美呈現放工飲返杯的輕鬆氣氛。Deep表示：“講真飲啤酒真係難我唔到，估唔到今次最難係要忍口，廣告拍攝以為啲嘢食全部係道具，但見啲餸全部都熱辣辣、香噴噴，先知道大廚原來全程Standby，roll機前即炒碟餸出嚟拍，面對住美食同啤酒呢個絕配，對於最近keep緊fit嘅我真係忍得好辛苦，但為咗拍攝效果，唯有犧牲小我，哈哈，攞正牌又飲又食，真係爽到爆！”