洪嘉豪周興哲成音樂節焦點

歌手洪嘉豪、周興哲、樂隊Charming Way等前日參與沙灘音樂節，洪嘉豪與周興哲更成為全晚焦點。洪嘉豪唱住《黑玻璃》出場時，沙灘尖叫聲四起，觀眾情緒高漲，全場手機燈海拍攝。洪嘉豪對台下粉絲說：“真係好彩，我仲以為會落雨，所以帶多咗套衫嚟換，連內衣褲都帶埋。今日辛苦粉絲了，冒風雨來支持。”期間有台下粉絲大叫要嘉豪除衫，他回應道：“大家睇下呢幾位咁大隻（台下男粉絲），仲使我咩。”

周興哲擔任壓軸表演，第一首表演歌曲《怎麽了》，成功炒熱全場氣氛，粉絲興奮和唱。周興哲更不時向觀眾飛吻，以及不斷向粉絲派心大派福利，氹得粉絲好興奮，他更表示九月將在紅館舉行演唱會。

香港獨立搖滾樂隊Charming Way獻唱新歌《Time for a Miracle》，主音張明偉不斷叫熱又話中暑，原來係為除衫作鋪排，隨即將上衣掟落台赤膊上陣，健碩身形引起台下粉絲尖叫。