泰臣邀劉松仁任舞台劇顧問

泰臣（翟凱泰）近日除忙於拍劇外，更擔任天主教聖瑪加利大堂一百周年舞台劇《百年人海》導演，除率領一眾“教友”演戲外，亦邀請劉松仁擔任劇組顧問。日前二人為舞台劇拍攝宣傳影片，未埋位時已經“密密傾”劇本。

松哥笑指多年來已學懂“抽離”，做戲做完就係做完。但跟項目就有很大壓力，因為要思考諗到“頭都爆”，要代入觀眾嘅角度發現問題，同時要諗定點解決。松哥表示未曾與泰臣合作過，但曾觀看對方舞台劇演出留下深刻印象：“之後睇佢喺TVB做戲，覺得佢好突出，留低一個好好印象畀我。我唔知佢做導演嘅功力有幾多，但見到佢好投入、好認真，搵咗佢返嚟，呢個係聖堂嘅福氣。”

泰臣表示喜獲松哥認同，定必使出渾身解數，更自爆想邀對方出山任劇組旁白：“我有問佢啊，但佢冇覆我，不過佢剛剛話‘賣關子’先，即係都仲有彎轉有機會。今次素人劇組畀咗好大驚喜我，除咗松哥畀好多意見我哋，仲有唔同界別精英幫忙，真係發掘咗好寶藏。”