譚耀文新片出力嗌交打交

由譚耀文（阿譚）、姚樂怡(Sherming)、鄭浩南、林家熙等主演的新片《拼命三郎》終於上畫，久未宣傳電影的二人日前接受HOYTV 主播俞詠文的專訪，分享拍攝苦與樂。飾演退休江湖大佬的譚耀文，在電影中可以說了“拼了命”：“因為拍呢套片嘅時候，係疫情差唔多完結嘅時間，其實大家都經歷咗身心疲累嘅兩年幾，所以就將呢一種情緒放入角色裏面，又覺得幾適合喎！而我自己同我角色又有啲似，感覺到有啲中年危機，打戲方面，我有少少研究，例如甄子丹、李小龍點樣打，冇佢哋咁有型都希望做到一半！”

除了打戲之外，文戲的演出亦相當激烈，包括多場嗌交的戲份，阿譚相當回味：“有幾場我同Mark哥（鄭浩南）仲有前妻樂怡嘅嗌交同打交戲，都好激烈下！我同佢喺辦公室嗌交果場，當中有七成以上嘅對白都係即場發揮！ ”Sherming 的囡囡只得九歲，她笑言未到反叛期：“係有駁嘴駁舌，但未到夠膽閂房門唔睬你！佢仲係同我一齊瞓覺㗎！仍然享受緊呢種咁親密嘅過程！我自己都好後期先至反叛，我十八歲先至可以一個人出街，其實我覺得而家個社會唔同咗，同下一代相處最好好似朋友咁，可以打破兩代人嘅隔閡。”