金牌經理人黃柏高

捧紅楊千嬅、林子祥、許志安、方力申等多位歌星的金牌經理人：黃柏高，昔日歌壇頒奬，十個有八個歌星都會舉奬：多謝Paco！多年人間蒸發又復出了，我係死過翻生，不過，比死更難受——。

Paco緬懷當年：我每晩交際應酬，都飲一支大號拔蘭地，滋味如何……，痛不欲生！“我一生人最錯嘅事，就係以為自己飮得，結果係酒控制咗我，搞垮咗身體”，Paco非常後悔自創威士忌溝綠茶，以為最有型的飲法；而這種飲法更遺禍至今，害人不淺。“我係唔可以饒恕嘅罪人。”悔疚不已……。

十年期間，晩晩飲一支拔蘭地，五年前，Paco六十九歲，吐血求診，發現喉癌！“好驚，恐怕自己捱不過此死劫……。”

喉癌歲月中，Paco自言：“咬緊牙關面對化療，箇中慘況痛苦不堪，人生最大挑戰——每次化療，都感覺身體好似被掏空。有幸逃出鬼門關，頓悟健康的重要，立即徹底戒酒。抗癌淡出娛樂圈，隨着病情好轉，又重出江湖。”

歌壇教父，捧紅不少歌星，威士忌當水喝，醉了沒有壓力，醒了仍有壓力……。今年七十四歲的黃柏高，重病初癒，乘坐地鐵時，被網民野生捕獲，他在關愛座似在聽歌沉思，網民貼相發文——各位，有咩想同佢講？

網民紛表示：想説一句“多謝柏高！”昔日樂壇頒奬，聽得最多就是“多謝Paco”。有帖文“係Paco執我返嚟——古巨基”。“記得佢話一定會捧万刀甲（方力申）拎最受歡迎男歌手。”……咦，佢好似好凍，問要唔要畀佢多件衫……。

高梁