文壇巨匠經典多

蕭洛霍夫，胸無墨水者，一定唔識；然胸有點墨者，亦未必識，皆因年代久遠矣。上世紀三十年代至七十年代，蕭公之名響徹全球，佢一部小說，囊括東西方兩大陣營至高獎項，前無古人，後無來者。

《靜靜的頓河》，冧爆幾代人，爺輩父輩叔輩，無不心留烙印。當年拍成電影，澳門域多利戲院公映，長龍依然。呢部史詩，已成經典，難怪小說甫問世，即獲斯大林文學獎及諾貝爾文學獎。

此公小說部部勁抽。《被開墾的處女地》，連國人也想搞集體農莊；《一個人的遭遇》，戰爭未有埋沒人性，當年曾拍成電影，於國華戲院上映，譯名“出生入死”，觀者皆為主角遭遇同聲一哭。

蕭公寫作人性之極，認為人雖有正、邪取向，然不缺人性。佢抗佢忠極、奸死，故未必合時政者胃口，亦時遭極粉圍攻，然不損其文壇巨匠之名。

四十一年前今日，蕭公以七十九齡仙逝。

西門公子