謝霆鋒個唱拉姑呻冇飛

謝霆鋒相隔廿五年再度開唱，將於今年四月假啟德主場館舉行兩場《Evolution Nic Live謝霆鋒進化演唱會》，亦是亞洲首位登上場館開唱的歌手。消息一出，全城即現撲飛熱，上月的優先訂購門票隨即被秒殺，一票難求。

由於全城瘋搶，近日疑似“黃牛”於網上放飛，門票被炒至十七萬多一張，認真誇張！對門票被炒高至六位數字，霆鋒經理人Mani勸大家要理性購票：“大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。”

雖然霆鋒開唱，但就連阿媽狄波拉（拉姑）都大呻冇飛，老闆楊受成透露：“拉姑都嗌晒救命呀！”問到英皇集團主席楊受成現在是否唔夠膽聽電話，驚人打去求門票，楊受成直言：“聽（電話）！點會唔聽！我話你哋登記先，到時如果有我就畀你。”再問會否加場，楊受成發揮幽默本色：“你知佢好有性格，冇人可以叫到佢，佢而家諗緊。”