戰場上另類英雄

美軍一兵仔，二戰期間，單人匹馬只幹一事，竟致名留青史，總統也要授佢勳。

杜斯，竇木佬一名，二戰入伍。此人有特殊信仰，阿媽教落，食齋唔殺生，入伍打死唔揸槍。軍官冇符，“唔殺敵，去救人喇！”調入救傷隊。

杜公人雖細細粒，卻膽大生毛，天生唔怕死。美軍攻打沖繩，偏遇百米懸崖，死傷無數，久攻不下。兩軍酣戰，杜公攀上攀落，槍林彈雨，日軍陣前，竟然冒死救出數十傷兵。驚人者，係前有深淵，後有追兵，要將傷兵逐個吊落懸崖，驚心動魄，諗吓都驚！

出生入死，難免中招。身負重傷，仍捨生忘死，“佢傷重過我，救佢先！”正義之戰，當出無私之人。總統亦感其英勇堅毅，頒佢勳章。

杜公建功立業之山崖，於今名堂甚響，曰“鋼踞嶺”。因杜公事蹟感人，年前被搬上銀幕，名曰“血戰鋼踞嶺”。今日係杜公一百○六歲冥壽。

西門公子