古天樂：電影業要大轉變

蛇年賀歲片今年選擇甚多，當中包括有古天樂帶領一眾《九龍城寨之圍城》班底主演的電影，日前古天樂聯同王丹妮(Louise)及張文傑(German)，一齊接受HOYTV主播俞詠文訪問，大談當中拍攝趣事。

古天樂於戲中有多場和王丹妮對打的戲份，古老闆笑言自己有憐香惜玉：“我一直以為佢高過我，原來唔係囉，因為對打嘅時候全部都赤腳，所以見真章，我梗係有錫住佢。”Louise及German亦認同古老闆有所遷就。German表示和老闆對打不難，最難是對戲：“因為嗰場我哋對罵嘅情節，對峙嘅時候真係好近，幾乎可以親吻對方，爭啲忍唔住錫咗落去，所以好緊張，哈哈哈！”

近年為香港電影業付出很多的古天樂承認，未來電影業還要面對很多難關：“經濟又唔好，咁我覺得未來電影業一定要一個好大嘅轉變，第一樣嘢就要知道市場嘅定位，第二就係要了解觀眾需要啲乜嘢，呢兩三年對於業界同埋觀眾都係一個整合期，大家都要磨合一下，我只能講大家要做一啲創新嘅嘢，向新方向出發。”