《破 · 地獄》父女檔戲院謝票

許冠文冀票房破2.2億

電影《破 · 地獄》上映踏入第十一個星期，最新港澳票房累積突破一億五千八百萬，導演陳茂賢與許冠文（米高）及衛詩雅(Michelle)日前現身戲院謝票。

許冠文笑言希望《破 · 地獄》票房收二億二千萬，寓意香港人打破任何困難。他於謝票後分享感言，語重心長祝願香港人及香港電影同樣向好，米高說：“我同好多香港人一樣，一生都希望進步同埋破紀錄，一生人都曾經追求過幾次，喺呢位天才洋溢嘅導演（陳茂賢）嘅作品又令到我再感受到一次。不過今次未破得晒，仲有六千萬左右就可以打破到香港所有電影嘅紀錄，嗰部係二億二千萬票房嘅《復仇者聯盟：終局之戰》(End Game)，如果大家已經睇咗四次，唔爭在睇夠八次。呢個唔只係我嘅夢，如果香港可以有一部二億二千萬票房嘅香港電影，咁就證明香港人可以做晒任何嘢，雖然暫時環境比較惡劣，不過我哋好快就可以破任何困難，任何嘅紀錄。”

米高除了現身謝票，更為戲中女兒衛詩雅帶來一支美酒作結婚禮物，米高表示下月跟家人外遊，未能出席Michelle的婚禮。因此於謝票期間送上心意，米高更笑言：“之前我個女嫁之前，我都係同佢開咗支酒分享心事，仲同佢講咗好多男人嘅秘密，不過唔方便喺呢度講。”搞鬼的米高更約定Michelle私底下分享。而Michelle接過米高的禮物已眼泛淚光，並表示感覺真係多咗一個阿爸，米高女兒也一樣叫Michelle，所以特別有一份親切感。

至於同場的導演陳茂賢亦分享：“拍攝時因為每位演員都好專注演出，每場都要投入情緒，所以嗰陣其實大家都沒有機會傾偈，反而拍完電影後一齊經歷密集式宣傳，有時間互相了解，所以形成咗呢股凝聚力。”