雲浩影新年願望開個唱

雲浩影(Cloud)昨日推出第三張個人專輯“TOUCH OF ABSENCE”，以自我成長為題，並與之前兩張專輯主題互相呼應，講述傷痛過後、沉澱自我再重新出發的過程。

Cloud指新碟靚相拍攝場地空間寬敞，陽光透過落地大玻璃滲入，感覺非常舒服，更着重情感上的表達。造型上分別有搶眼的紅色上衣和透視珠片裙，以及高貴的白色貼身長裙，兩套衫均有若隱若現的感覺。她說：“今次嘅衫的確係比較性感，自己都有少少擔心，為咗迎合主題嘗試咗好多唔同顏色，表現到雲唔同嘅面貌同狀態。”

踏入二○二五年，Cloud感恩入行第三年能推出第三張個人專輯，她透露新碟內有一首自己很喜歡的英文Cover歌。至於新年願望，她直言是舉行個人演唱會，她笑說：“二○二五年好開心出咗呢隻碟，更加期待會有大碟，更更更加期待會唔會有自己嘅個人演唱會。入行都一段時間，好想將自己儲落嘅歌，排一個演唱會嘅Rundown送畀大家，呢個都係我嘅願望。”