琴姐煮翅結緣

影藝界動腦筋行業，普遍煙癮、咖啡癮，古已有之，於今“猶未及”——大導演楚原，口不離啡，他由早至晩在“咖啡屋”上班，光藝公司的對面，小園林透明餐廳太子道富人區，很清幽。大導演一邊寫劇本，咖啡供應不輟……。

粵語片大導演左兒，亦奇人，在片場，奶茶不離口。一日十二杯；身材瀟灑，身壯力健，靠茶提神，靠奶營養。

電視圈盛傳，“炳門”一日一碗翅。又盛傳琴姐是煮翅高手。家中雀戰，必有靚翅招待，所以，與很多編導都談得來，毋須求證，有目共睹。琴姐好戲，成了各大編導“恩物”，爭相邀請演出……，琴姐學了韓信點兵，多多益善，少少無拘。任何角色，照殺！即是有工作便接……。以為分身不暇，一人怎能九組、十組埋身……原來，琴姐分身有術——“搵食艱難呀，我哋由細捱到大，好難搵到兩餐穩定工作，所以，有工作一定要接，多多應承……。一個人食唔晒，搵朋友幫手食。編導叫到，忠奸善惡的角色都接，轉介適合的朋友，讓更多有需要的人開工。我在圈中，已爭得一張櫈仔，好彩坐得穩陣；又有幾張櫈仔搬埋來，坐唔晒，讓畀朋友坐……。”

畢竟紅褲仔出身，未學戲先學做人。努力勤勞，可以搵兩餐。發達！靠人緣。上層人緣不容易，下層人緣更不簡單。如果翅能結緣，人生活得多滋味。

一碗翅搞好上層關係，有冇咁簡單？有人懷疑，麻將檯上，琴姐常做“魚腩”？心照！娛樂圈，飲茶、飲咖啡、飲酒，日常生活必需，搓幾圈衛生麻雀，閒暇娛樂，頂級紅伶肖像前，竹戰連場，以慰英靈相思之苦，存歿均喜……，誰？估中了，勿揭盅。

高梁