Twins巡唱完美結束

《Twins Spirit世界巡迴演唱會》由二○二四年頭開始演出，巡足一整年。聖誕於倫敦OVO Arena Wembley的演出順利完成，JW（王灝兒）也有去捧場，當晚氣氛超熱鬧。Twins本想同美國一樣繞場握手，但因為歌迷太瘋狂關係，只得在台前握手。

Twins之後再飛往新加坡演出兩場，新加坡站不單是Twins出道至今的第一百及一百零一場演唱會，亦是《Twins Spirit》這個騷的最終場，舞台上跟歌迷暫別，歌迷台下大哭，兩人也被感動得眼泛淚光。

在新加坡慶功時，阿Sa坦言走到最後一站有點不捨，她跟一班Dancer擁抱，又再忍不住落下不捨眼淚。

經過超級無敵忙碌的一年，阿Sa不諱言有點攰，計劃明年要放慢少少腳步，唔可以走太快，所謂長命功夫長命做。

至於阿嬌（鍾欣潼）表示巡足一整年非常難忘：“我同阿Sa都經常係台上面講，我哋每一次演唱會，都會當係最後一次，今次都唔例外，無人知日後幾時再開，而且又實現了倫敦OVO Arena Wembley開演唱會的夢想。非常多謝歌迷，這次巡演的一路相伴，佢哋做咗好多應援，有忠粉Twins先行到咁遠。”為了好好休息養足精神，她已向公司申請放假。