吳卓羲：桃花運等咗廿二年

前日，吳卓羲到灣仔出席活動，吸引過百人圍觀，久未在港公開現獻唱的他，即場唱出《紅蝴蝶》及首本名曲《別怪她》，歌藝大有進步。吳卓羲說聖誕跟家人燒烤慶祝，覺得很開心，也有唱K，為這次演出練歌。正當記者想問他的感情事，他笑指知道大家想問甚麼，直言都想有另一半，現時正盡力中：“盡緊力，你估我唔想，緣份到，女主人自然出現，我努力渴求希望緊。（二○二五年願望？）由二○○二年開始已經Ready，不過未遇到，（好友Bosco有冇介紹你？）冇，佢自己都未搞得掂。”

講到拍拖他邊講邊流汗，十分搞笑。問到吳媽媽可有催他生仔，他就指媽媽已經不夠膽再催他：“佢話我喺媒體前面講，話自己都係講過一次，唔使唱到今日，之後嬲咗一日。”吳卓羲說不介意女朋友年紀細過自己十幾年，也不介意姊弟戀，不過年齡就最好不要超過四年。近年在內地人氣高企的他，早前到佛山出席活動時有萬人到場支持，引起混亂，他更被狂迷扯衫摸手，可有被人攞其他部位？他說沒有，又指當時並非看到的那麼混亂，又指大家其實只是想拍照和握手，可能位置問題令人誤會。