《愛 · 回家》見好就縮

無線鎭台的三線劇集——最高收視《愛 · 回家》，“見好就縮”，下月開始，由一周播放七日，縮減至一周播放五日。問“丹爺”劉丹，對一班演員來說，是否比較輕鬆……。

“應該差不多！”丹爺回應：“以前雖然多兩集，但人物角色加多咗，大家可以分擔吓……。（為何公司會見好就縮？）我估，減少兩集因為存貨多。毋須匆匆趕貨，可以精益求精。”劉丹這老戲骨又認為，一星期七集，編劇會好辛苦，壓力大；但，只要個人放鬆，創作靈感會如泉湧……。

對《愛 · 回家》有憾的，不是減集，而是減了人。今年十月姜麗文不但離家，而且離巢，拜別TVB，出外謀發展。“姜麗文做戲又得，唱又得，角色受人歡迎……。”姜麗文在劇演外傭Liza，好生鬼，可愛惹笑，出鏡不太多，但令人印象深刻……。可會影響收視？“戲不是一個人演的。”劉丹見慣風雨：“最重要，大家一起做好件事！”談公之後，又論私——日前冬至，兒子劉愷威，可有帶女朋友回家一起吃飯？劉丹裝傻：“女朋友？我都唔知佢有女朋友，咩呀食飯，冇呀。”劉丹傳媒面前演戲：“我諗，你收錯料，好多流料(口+架)，等我問吓佢先。（可想劉愷威帶女朋友返屋企？）梗係想，不過，咁大個仔，自由發展。”

冬至家人吃飯，你可有帶女朋友回家？焦點轉移到周嘉洛身上，《愛 · 回家》的明日之星朗然回應——我正要為事業衝刺，近日，忙於內地開工拍劇《正義女神》。香港、內地兩邊奔波。但係，不覺得辛苦……。在長途車程上，可以休息，可以看劇本。醒目仔，能化弊為利。

《愛 · 回家》力捧的古佩玲表示，早幾日去上課，學做聖誕薑餅屋，準備節日在劇組與衆人分享。“好喜歡整甜品……”古佩玲笑言：“大家試食後都沒反應，第二日，各人都正常返工。（可有整甜品給男朋友吃？）未試過，但，拍檔陳浚霆有食過，睇佢個樣，都應該覺得OK。（有問佢意見？）冇！佢好開心咁收埋啲薑餅落個袋。”

古佩玲人氣颷，是非漸多，熱門話題都扯上身，且看如何應對了……（聖誕有約男朋友？）有，要開工，推掉了。（爸爸平安夜生日，在廠慶祝？）係陳浚霆爸爸，約大家在平安夜在廠慶祝。（有何聖誕願望？）親手編織一件毛衣給男友，有對方姓氏圖案……。

高梁