否認肌肉男是新歡

樂基兒與囝囝回港度假

樂基兒、馮允謙(Jay)、雲浩影(Cloud)、陳穎欣(Yanny)、衛詩(Jill)日前出席護膚品聖誕活動，Jay、Cloud及Jill更為活動獻唱歌曲，將節日氣氛推至高峰。

久未在香港露面的樂基兒表示，配合愛兒假期返港度假，與家人歡度聖誕。樂基兒一提到愛兒笑得甜絲絲，更指媽媽早前越洋探孫看他表演：“佢好耐冇嚟探我哋，所以真係好開心！”囝囝有表演天份？會否讓他入行？她說：“有冇表演天份就未知，因為佢仲細個，仲未識怕醜，但入唔入行就由佢自由發揮，我只想佢做個好人就得啦。”早前有報道指樂基兒與“肌肉男”同行，指對方是她的“新歡”，她澄清：“佢係我經理人，因為太耐冇喺香港工作，大家唔記得我身邊同事啲樣。”

同公司的馮允謙與雲浩影孖住出席活動，二人賣口乖大讚產品好用，Jay笑言想收護膚品做聖誕禮物。他說：“舊時我會借媽咪啲護膚品用，但依家佢知我去活動，佢會問我有冇贈品，不過如果冇都會買畀佢。今日我剛剛出咗唱片，真係好開心！嚟活動之前我都去咗唱片舖，自己買咗幾隻，嚟到見到啲粉絲已經買咗，真係多謝大家支持！”

Cloud表示目前專注工作，無時間去想“戀情”，她表示：“今年聖誕冇‘佳人有約’，就係約咗啲同事開Party，其實最想同工作約會！”有冇人寫深情聖誕卡給她？她笑說：“我諗我啲粉絲會寫畀我。”

陳穎欣早前與家人去澳洲旅行，全程見動物多過見人，她表示：“可以同屋企人一齊真係好舒服，以前因為工作錯失好多時光。今次旅行食多咗，所以肥咗啲啲，但一返香港就腸胃炎病足幾日，即時瘦返晒！”Yanny生日在即，她表示每年都不會大搞派對，今年她想食雞煲慶祝。

衛詩為活動獻唱聖誕歌曲，她表示現自組公司發展，或與家姐再合作：“同家姐都有傾過，依家物色工作人員，好快會再有新歌。我同家姐由細到大都會share所有嘢，包括衫、褲、鞋、襪都會！”