吳浩康升呢做老闆

吳浩康、張進翹及孫曉賢日前出席歌唱比賽總決賽，並為活動獻唱歌曲，DJ阿正擔任大會司儀；吳浩康擔任比賽評判，他表示現身歌唱比賽勾起出道時回憶。

近日有傳吳浩康開設建築公司榮升“老闆”行列，他說：“其實我是召集了一班朋友一起去開工，但是朋友當中要找一個代表，所以我去開一間公司代替大家收錢，所謂自己公司做第一單工程，就是口中所謂建築公司老闆，我真的絕對是一個小判頭當中的小判頭，保障工友會有糧出。”

同場張進翹笑言參加者質素高，入場偷師重拾入行初心，佢呢日仲自爆同釗彤齊推新歌，MV夠晒甜蜜。他表示：“我哋會推出一首關於冬日嘅新歌，希望在聖誕的時候送給大家做聖誕禮物。（MV會錫？）我哋錫咗少於十次啦，對我嚟講挑戰度也頗大！（熒幕初吻？）好像是啊，所以希望這首歌有一個好的成績。（佢奪你初吻有冇封利市畀你？）仲未！我要問返佢攞。”

而孫曉賢就話想參加拍攝真人騷，無懼素顏上鏡：“因為我係音樂人，沒有‘偶包’，依家我準備搞畫展，將音樂同書法結合，唔知嚟緊過年係咪可以擺街站幫人寫揮春，順便宣傳新歌。”