四十年臨記群姐

御用清潔工，《愛·回家》群姐，放下掃帚捧起奬盃，母子在團體歌賽中勇奪冠軍；許思敏大仔貼相留言：“我在商會參加歌賽，自己獨唱外，有親子組。我膽粗粗問大會，可唔可以唔搵子女拍檔，我搵阿媽，都係親子……。攞到冠軍，托群姐洪福！群腳母子。”

群姐得歌唱冠軍，托兒子之福……，許思敏家庭主婦，無厘頭入了演藝界，亦托兒子之福——婚後育有三子，現時更有四個孫，生活開心。但係，婚後不久，因肝炎不能工作。許思敏説：“醫生叫我多休息，唔好太操勞，唯有專心故師奶。又因兒子關係，入行做了演員……，我三個仔，都好靚仔，有人搵佢哋拍教育電視，我帶住佢哋開工收工。有日，有個媽咪甩底冇來到。助導問我，可唔可以拍？‘梗係好啦，咁好玩！’埋位照演，之後，都有搵……”

從此，許思敏做了四十年“臨記”，日薪。兩年前TVB大簽她藝人合約，但不比之前特約演員的自由度了。許思敏中俄混血，別有一番形格，《人肉叉燒包》中演老妓，又在兩部西片騒肉感。過往角色中，她最喜歡一定是“群姐”：“唔好話暫時，直頭係代表作，街坊睇得開心，演員都合作得好開心，好難得。”

戲劇大師所言，演員有大小，角色無大小；戲中每個角色都重要，不可缺少的。

“就因為清潔工群姐，為我帶來不少工作，可能佢哋覺得我好開心，帶畀人好多歡樂。所以，帶給我適合家庭主婦的廣告和商演。我唔介意別人話我。‘御用清潔工’，我自己做得開心，過到自己，唔使介意。”

人生失意事常八九，一定會有——許思敏資深長達四十年的臨記，自有一套人生哲理，“我覺得開心又一日，唔開心又一日，我好阿Q精神，唔開心時，去購物飮茶搵人傾偈，心情就會好”。做呢行愛呢行，就是工作動力，“我從未講過：想退休。到冇人搵，先至算。拍戲工作唔係大辛苦，雖然時間長，做任何工作都要付出時間。”

“如果畀我從頭來過，我都揀返做演員……。”

後記：你是鑽石，墮落塵泥都發亮——參賽衆歌手合照，群姐站C位，豎大拇指，露出燦爛笑容易。兒子挺起胸膛舉起冠軍盃。

高 梁