何依婷懷孕凸肚仍騷身材

何依婷昨日出席活動時公佈喜訊，懷上五個月身孕的她，身穿粉紅色貼身裙手腳仍很纖瘦，不過已經肚凸凸。這個月結婚一周年的何依婷表示，與老公沒特別計劃生育，既然天賜到來要好好珍惜。懷孕五個月才公佈的她表示，想多做檢查知道BB穩定才告知大家這喜訊。她指之前拍劇集《金色森林》時有一場跳舞戲，拍好後檢查才發現懷孕。初期她胃脹肚脹，吃下東西都嘔出來，拍戲途中要叫停機偷偷去嘔，當時大家都不知她有了BB。

提到昨日她穿高跟鞋又拿鉸剪犯大肚婆禁忌，何依婷表示沒度過高跟鞋有幾高，因拍劇時都要穿高跟鞋，亦有問過醫生意見不會影響BB。至於她在家也會拿鉸剪去開包裹，又會拿刀切生果，不知這都是禁忌。

何依婷之前被指不出席台慶去了蘇梅島旅行曬泳照，她解釋：“其實係台慶之後先去旅行，只係台慶表演環節中沒一個適合大肚婆表演，那就明年再去過台慶啦！”提到她大肚仍騷身材，她笑說：“我都想畀BB曬吓太陽吸收維他命，不過我有叫老公影得我瘦啲，但佢話我係孕婦點影都係冇腰。”今年聖誕是BB出世前兩公婆最後一次二人世界，所以叫老公多留點時間陪她。