鍾嘉欣爆細女聲靚能接班

一連三場的“Remember記得 · 鍾嘉欣演唱會”佛山站，前晚圓滿落幕。Linda更罕有獲父母及孺囡Anika由溫哥華到佛山捧場，難怪Linda指佛山站演唱會，對她來說別具意義。

Linda以經典金曲《一顆不變的心》為演唱會揭開序幕，不過個唱流程、舞台設計、服裝及燈光效果卻與演唱會廣州站截然不同，她說：“有咗上次經驗，今次重點係點樣令演唱會進步，睇返之前嘅片段、觀眾嘅反應，從而去調節，希望每場演出都畀到觀眾新鮮感，令觀眾覺得值得嚟睇，亦因為每場嘅變化，令自己有一份刺激感。”

猶記得廣州站個唱，一班好姊妹及好友到場，令Linda大感驚訝。今次佛山站亦有“重量級”觀眾撐場，Linda說：“佢哋就係我阿爸阿媽同埋細囡，其實我入行咁耐，阿爸阿媽好少機會睇我演出，阿爸直頭係未睇過，好開心佢哋終於可以睇到，親身見證佢哋個女努力嘅表現。”

提到細囡Anika，Linda表示三名子女當中，她覺得Anika最有機會繼承其表演的“衣砵”。Linda說：“佢雖然只有兩歲，但性格外向，聲大又清脆，唱歌應該會幾好聽，而且佢每次聽到音樂及拍子聲就會跳舞，非常有節拍感。”