袁詠儀有旺夫命

食老公！住老公！搵老公……“靚靚”袁詠儀生成一條旺夫命——搵老公的錢；做張智霖的經理人，他出騷就“抽佣”。

健康品牌周年晩宴，靚靚代言人十年，座上賓。夫婿張智霖隨傳在側，他不是代言人；“現在係代言人了。”靚靚解釋，“品牌見Chilam保養得好，找他拍廣告。（是否由老婆推介力薦？收介紹費或收佣？）凈係收佣。”回答値得細味……。“介紹費”一次過；“收佣”，每次出場費都要收百分幾了……。

利用老公搵銀，靚靚笑説：“其實，老公是一家之主，一切由他負責，財政大權都交給了他。我坐享其成……。”問靚靚，你也是巨星，收入不菲，財政會否獨立？“我想獨立時便獨立。不過，大部分會共享。”靚靚哈哈哈：“政府都呼籲我們共享交通、共享寫字樓啦。”

頻頻點頭的張智霖表示：“我一直在考慮將財政大權交給老婆！因為，我只是個藝人，不懂管理財政。而且，處理上亦好麻煩要唔識扮到識，更試過投資失敗，亦被人呃，所以我去管理財政好辛苦”，訓練兒子“魔童”將來管理財政麼？知子莫若父。智霖指兒子性格比他更藝術家，並不適合講錢。

不覺自己老，只見兒子長大。“個仔十八歲了，剛過生日，準備到外國讀書……。”“個仔最近有句口頭禪：‘你哋多啲陪我’！已安排好，夫妻、兒子合家歡，今年聖誕到日本滑雪……。明年，個仔就同朋友去玩了，我會好好珍惜這段旅程。”

“魔童”剛過十八歲生日，他邀請了一班朋友共度，都是看着長大的Uncle及Auntie，在餐廳吃飯。也讓兒子飮一點酒，沒喝醉，第二天要返學……。

“啊！好大感觸。”靚靚母性大發：“以前抱着他看電視，對腳好細，肥嘟嘟。現在，好大隻腳。老公影了阿仔抱住我的相片，歲月催人……。很快，他又開展另一個人生之路。”

“男兒志在四方！要學懂放手！”智霖認為開枝散葉，家庭大好事。兒子有女朋友了麼？不擔心，贊成他識女仔，“只見有男同學來家中過夜，女同學未能過目，（會否傳授識女仔絕招？）——智霖笑言：不用啦，他好似好有計。我就幽默友善，他走高冷型格，似我Cool魔角色！”靚靚掘智霖一眼：你太友善？有冇搞錯呀！

高梁