鄭丹瑞謝票遇恩師爆喊

電影《得寵先生》將於本月廿八日（周四）上映，男女主角鄭丹瑞（旦哥）與盧慧敏(Amy)馬不停蹄，為優先場謝票。前日（廿四日）旦哥現身母校“聖保羅書院”校友場次，旦哥一見觀眾席上的老師就爆喊，老師話有追睇他的YouTube節目“健康 · 旦”，非常捧場。

旦哥與Amy，以及電影團隊走訪多個《得寵先生》優先場謝票，與觀眾分享拍攝難忘事，其中一場就是旦哥母校同學會包場。在戲院外旦哥坦言心情特別緊張，因為當年教過他的老師亦在場。入場時他故作淡定，向老師鞠躬講“早晨”，老師亦回應他“乖啦”，全場笑聲。然後旦哥開始口震震說：“我見到我中學嘅老師，我頭先，依家已經想喊……”話口未完就爆喊。他一路捽額頭控制情緒，但仍然激動，他對老師說：“你點會嚟睇我做戲，老師？你要我讀書乖，我都唔乖！”觀眾席上的老師說：“我有睇你YouTube！”旦哥續說：“當年聖保羅老師對我嘅關顧、對我嘅教育，今日希望老師睇到你嘅學生，做一齣好戲畀你睇！多謝！”他再向老師鞠躬致謝。